រថយន្តដែលគេសង្ស័យថាជារថយន្តបំផ្ទុះគ្រាប់បែក ត្រូវបានរកឃើញនៅជិតពហុកីឡដ្ឋាន Stadio Olimpico មុនការប្រកួតយូរ៉ូ រវាងក្រុមជម្រើសជាតិអ៊ីតាលី ជាមួយ ស្វីស ។
យោងតាមសេចក្តីរាយការណ៍នៅក្នុងប្រទេសអ៊ីតាលី បានឲ្យដឹងថា អ្នកគាំទ្រម្នាក់បានប្រទះឃើញវត្ថុ ដែលគួរឲ្យសង្ស័យ នៅខាងក្នុងរថយន្តដែលចតចោល។ គេហទំព័រ Corriere dello Sport បានរាយការណ៍ថា រថយន្តនេះ ចតនៅក្នុងខណ្ឌ Prati នៃរដ្ឋធានី រ៉ូម របស់ប្រទេសអ៊ីតាលី ស្ថិតនៅជិតទីតាំង នៃការប្រកួត យូរ៉ូ ឆ្នាំ២០២០ រាត្រីថ្ងៃពុធ។
វត្ថុដែលគួរឲ្យសង្ស័យ ត្រូវបានគេរាយការណ៍ទៅប៉ូលិស ហើយក្រុមដោះគ្រាប់បែក បានមកដល់ដើម្បីធ្វើការ។
ទោះបីជាយ៉ាងណាក៏ដោយ គេមិនទាន់បញ្ជាក់ជាផ្លូវការទេថាតើ វត្ថុនោះពិតជាគ្រាប់បែកមែន ឬមិនមែន៕
