ខ្សែប្រយុទ្ធ Alvaro Morata របស់ក្លឹបសេះបង្កង់ Juventus បានព្រមព្រៀង លើការបន្តកុងត្រាថ្មី មួយរដូវកាលបន្ថែមទៀត លើកុងត្រាខ្ចីជើងចាស់ ដែលមានសុពលភាពត្រឹមចុងខែ មិថុនាខាងមុខ។
សូមជម្រាបថា ជាមួយកុងត្រាថ្មីនេះ Juventus ព្រមទូទាត់ឲ្យ Atletico ចំនួន ១០ លានអឺរ៉ូ បន្ថែមទៀត សម្រាប់តម្លៃខ្លួន Morata ក្នុងការខ្ចីជើងមួយរដូវកាលពេញ។ នេះមានន័យថា Atletico ទទួលបាន ២០ លានអឺរ៉ូ រួចជាស្រេចហើយ ពីការដាក់ឲ្យ Morata ខ្ចីជើង ២ ឆ្នាំ មកនេះ ខណៈដែលតម្លៃផ្តាច់កុងត្រា របស់គេអាចថ្លៃ ៣៥ លានអឺរ៉ូ ដែលជាទំហំ ស្មើនឹងការចំណាយរបស់ខ្លួន កាលទិញកីឡាករអេស្ប៉ាញពី Chelsea នៅរដូវក្តៅឆ្នាំ ២០២០៕
