ខ្សែបម្រើក្លិបបិសាចក្រហម Donny van de Beek បានដកខ្លួនពីព្រឹត្តិការណ៍ EURO 2020 សម្រាប់ក្រុមជម្រើសជាតិហូឡង់ ដោយសារគេមានបញ្ហារបួស។
Van de Beek ទទួលបានឱកាសចូលរួមក្រុមហូឡង់១៩ប្រកួត ហើយប្រកួតចុងក្រោយដែលគេបានលេងឱ្យប្រទេសរបស់ខ្លួនគឺក្នុងជំនួបជ័យជម្នះ ៧-0 ទល់និងហ្គីប្រាល់តា កាលពីថ្ងៃទី៣០ ខែមីនា។
សហព័ន្ធកីឡាបាល់ទាត់ហូឡង់ ក៏បានចេញសេចក្ដីថ្លែងការណ៍ផងដែរថា Van de Beek នឹងខកខានចូលរួមព្រឹត្តិការណ៍ប្រកួតពានរង្វាន់អឺរ៉ុប ដោយសារគេមានបញ្ហារបួស ហើយគេជាកីឡាករក្រុមបិសាចក្រហមទី២ បន្ទាប់ពី Mason Greenwood ដែលដកខ្លួនពីការប្រកួត ក្រោមហេតុផលដូចគ្នា។
សូមរំឭកថា Van de Beek បានចុះហត្ថលេខាផ្ទេរមក Man Unted ពីក្លិប Ajax កាលពីរដូវក្ដៅឆ្នាំមុន ក្នុងតម្លៃ៣៥លានផោន តែគេបានបង្ហាញខ្លួននៅជម្រើសដំបូងតែ៤លើកប៉ុណ្ណោះ នៅ Premier League៕
