របាយការណ៍បានឲ្យដឹងថា Cristiano Ronaldo មិនមែនជាគោលដៅរបស់ ក្លិបបិសាចក្រហម Manchester United សម្រាប់ទីផ្សារផ្ទេរកីឡាករនាពេលខាងមុខនេះទេ។
CR7 គឺគ្រាន់តែជាកីឡាករម្នាក់ដែលត្រូវបានលោក Ole Gunnar Solskjaer កោតសរសើរជាអតីតមិត្តរួមក្រុមរបស់ Man Utd ប៉ុន្តែការវិលត្រឡប់មកកាន់ទឹកដី Old Trafford គឺមិនមានឡើយ។ ជាការពិតណាស់ គោលដៅចម្បងរបស់ក្លិបមាន រួចជាស្រេចហើយគឺ Jadon Sancho និង Raphael Varane។
ថ្មីៗនេះ Ronaldo ក៏ត្រូវបានគេដឹងថា បាននឹងកំពុងពិភាក្សាជាមួយនឹង Paris Saint-Germain និងការផ្លាស់ទៅ MLS នៅអាមេរិកទោះបីជាភ្នាក់ងាររបស់គាត់ឈ្មោះ Jorge Mendes បានបដិសេធការវិលត្រឡប់ទៅកាន់ក្លឹបកុមារភាពរបស់ព័រទុយហ្កាល់គឺ Sporting Lisbon ក៏ដោយ៕
