កីឡាករ Robert Lewandowski ត្រូវបានគេរំពឹងទុកថាគាត់អាចចាកចេញពីក្លឹប Bayern Munich នៅរដូវក្តៅនេះ ដោយកីឡាកររូបនេះបានសារភាពថាគាត់ចង់បានបទពិសោធន៍ថ្មីសម្រាប់អនាគតរបស់គាត់។
ខ្សែប្រយុទ្ធសញ្ជាតិប៉ូឡូញរូបនេះត្រូវបានក្លឹបធំៗពីរកំពុងតែចាប់អារម្មណ៍លើរូបគេ គឺក្លឹប Barcelona និងក្រុមតោខៀវ Chelsea ។ កីឡាករ Lewandowski ដែលមានវ័យ ៣២ ឆ្នាំរូបនេះបានប្រាប់ Canal + ថា“ ខ្ញុំនៅតែមានគំនិតចង់ចាកចេញ ទោះខ្ញុំមានអារម្មណ៍ល្អនៅ Bayern ដែលជាទីក្រុងដ៏ល្អវិសេសវិសាល ឬជាក្លឹបអស្ចារ្យក៏ដោយ” ។
កីឡាកររូបនេះបានបន្ថែមទៀតថា “ខ្ញុំតែងតែចង់រៀនរស់់នៅកន្លែងថ្មី វប្បធម៌ថ្មី ខ្ញុំមិនឈ្លក់វង្វេងនឹងកំណត់ត្រាទេ ខ្ញុំចង់ប្រឈមនឹងបញ្ហាថ្មីៗ ខ្ញុំព្យាយាមធ្វើអ្វីដែលគ្មាននរណាម្នាក់ធ្លាប់ធ្វើ ពីព្រោះវាជំរុញឱ្យខ្ញុំឈានទៅមុខ” ។
គួរបញ្ជាក់ដែលថា Lewandowski បានបង្កើតប្រវត្តិសាស្ត្រដោយស៊ុតបញ្ចូលទីបានចំនួន ៤១ គ្រាប់ក្នុងរដូវកាលនេះនៃក្របខណ្ឌ Bundesliga ដើម្បីបំបែកកំណត់ត្រាកីឡាករ Gerd Muller ក្នុងឆ្នាំ ១៩៧១-៧២ ។
