ខ្សែប្រយុទ្ធ Harry Kane របស់ក្លិបមាន់ខ្នាយមាស Tottenham Hotspur បានក្លាយជាម្ចាស់ពានស្បែកជើងមាសនៅក្របខណ្ឌ Premier League សម្រាប់រដូវកាល ២០២០/២០២១ និងថែមទាំងបានឈ្នះពានកីឡាករបញ្ជូនបាល់បានច្រើនជាងគេផងដែរ។
ការឈ្នះពានរង្វាន់ទាំងពីរទន្ទឹមគ្នានេះមានន័យថា Kane បានក្លាយជាកីឡាករដំបូងគេបង្អស់ក្នុងរយៈពេល២២ឆ្នាំកន្លងមក ដែលអាចឈ្នះពានស្បែកជើងមាសនៅ Premier League និងពានអ្នកបញ្ជូនបាល់ច្រើនជាងគេក្នុងរដូវកាលតែមួយ។
យ៉ាងណាមិញ ក្រៅពី Kane មានតែកីឡាករពីររូបប៉ុណ្ណោះក្នុងប្រវត្តិសាស្ត្រ Premier League ដែលបានឈ្នះពានស្បែកជើងមាសនិងពានអ្នកបញ្ជូនបាល់ច្រើនជាងគេក្នុងរដូវកាលតែមួយគឺ លោក Andy Cole នៅរដូវកាល ១៩៩៣/១៩៩៤ និង Jimmy Floyd Hasselbaink នៅរដូវកាល ១៩៩៨/១៩៩៩ ៕
