The Sunsports ចេញផ្សាយនៅថ្ងៃចន្ទនេះបានសរសេរថាលោក Ryan Giggs ទំនងជានឹងអាចចាប់យកតំណែង ជំនួសលោក Ole Solskjare នៅជាមួយនឹងក្លឹបបិសាចក្រហម Man UTD ប្រសិនបើបុរសវេលរូបនេះ ដឹកនាំជម្រើសជាតិជោគជ័យនៅពានរង្វាន់អ៊ឺរ៉ូឆ្នាំក្រោយនេះ។
Giggs អតីតកីឡាកររបស់បិសាចក្រហម Man UTD រូបនេះត្រូវបានលើកឡើងគាំទ្របែបនេះ ដោយអតីតកីឡាករខ្សែប្រយុទ្ធឆ្នើមជំនាន់មុនម្នាក់ទៀត របស់ក្លឹបបិសាចក្រហមផងដែ រគឺលោក Mark Hughes ដែលមានវ័យ៥៦ឆ្នាំ។
គួរឲ្យដឹងដែរថា Giggs គឺជាកីឡាកររបស់ក្លឹបបិសាចក្រហម Man UTD ស្ទើរតែពេញមួយជីវិតទៅហើយ ហើយកាលពីឆ្នាំ២០១៦ ធ្លាប់ទទួលបានឱកាសម្តងដែរ ក្នុងនាមជាកីឡាករផងគ្រូបង្វឹករបស់ក្លឹបបិសាចក្រហម Man UTD ក្រោយការបណ្តេញចេញលោក David Moyes ចេញពីក្លឹប៕
ប្រែសម្រួល៖ Lee
