ជ័​យ​ជំ​នះ​ប្រ​កួ​ត​ទី ១​០​០​ ​រ​ប​ស់​ Z​i​d​a​n​e នៅ​ L​a​L​i​g​a S​a​n​t​a​n​d​er

ជ័យជំនះកាលពីរាត្រីម្សិលមិញលើ Real Betis គឺជាលើកទី ១០០ របស់លោក Zinedine Zidane ដែលបានដឹកនាំក្រុម Real Madrid នៅ LaLiga Santander ។ គ្រូបង្វឹកសញ្ជាតិបារាំងរូបនេះបានដឹកនាំ Los Blancos ក្នុងការប្រកួត LaLiga Santander ចំនួន ១៤៧ប្រកួត ដោយសរុបទាំងអស់មាន ៥៥ប្រកួតក្នុងដី និងនៅក្រៅដីចំនួន ៤៥ប្រកួត ។

នៅក្នុងការប្រកួតទាំងនោះ ក្រុមរបស់លោក Zidane រកបាន ៣៤២គ្រាប់ និងរបូតគ្រាប់បាល់ ១៤២គ្រាប់ផងដែរ។ មានតែលោក Miguel Munoz ប៉ុណ្ណោះដែលបានឈ្នះការប្រកួត LaLiga ច្រើនជាងគេក្នុងប្រវត្តិការដឹកនាំក្លឹបអធិរាជស ដែលមានរហូតដល់ ២៥៧ប្រកួត ។

គួរបញ្ជាក់ផងដែរថា អតីតខ្សែបម្រើក្រុម Real Madrid រូបនេះបានឈ្នះពានរង្វាន់ LaLiga Santander ២ ដងគឺនៅឆ្នាំ ២០១៦/១៧ និង ២០១៩/២០ ៕