ភ្នំពេញ៖ លោក ជិន ម៉ាលីន អ្នកនាំពាក្យក្រសួងយុត្តិធម៌ និងជាអនុប្រធាន គណៈកម្មាធិការសិទ្ធិមនុស្សកម្ពុជា បានលើកឡើងថា ចាប់ពីពេលនេះលោកនឹង ធ្វើការឆ្លងឆ្លើយជាមួយសារព័ត៌មាន ដែលមានច្បាប់អនុញ្ញាតតែប៉ុណ្ណោះ ដើម្បីជាការលើកទឹកចិត្ត និងគាំទ្រដល់អ្នកដែលបានគោរព និងបំពេញបែបបទបានត្រឹមត្រូវតាមច្បាប់។
លោក ជិន ម៉ាលីន បានសរសេរលើគេហទំព័រហ្វេសប៊ុក នៅថ្ងៃទី២២ សីហានេះថា «ចាប់ពីពេលនេះ ខ្ញុំធ្វើការឆ្លងឆ្លើយជាមួយសារព័ត៌មាន ដែលមានច្បាប់អនុញ្ញាតតែប៉ុណ្ណោះ ដើម្បីជាការលើកទឹកចិត្ត និងគាំទ្រដល់អ្នកដែលបានគោរព និងបំពេញបែបបទបានត្រឹមត្រូវតាមច្បាប់។ ចំពោះសារព័ត៌មាន ដែលមិនមានច្បាប់អនុញ្ញាត អាចដកស្រង់អត្ថបទពីផេករបស់ខ្ញុំ យកទៅចុះផ្សាយបានដោយសេរី» ៕
