ភ្នំពេញ៖ លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានលើកឡើងថា ទោះបីជារាជរដ្ឋាភិបាល អនុញ្ញាតឲ្យឈប់សម្រាកមួយសប្ដាហ៍ តែមិនមែនស្ថាប័នទាំងអស់ គ្មានអ្នកប្រចាំការទេ ដូច្នេះគួរចុះទៅដោះស្រាយបញ្ហា ឲ្យកម្មករដែលកំពុង ស្រែកតវ៉ានៅមុខភូមិវប្បធម៌ នៅក្រុងសៀមរាបផង ។
លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានសរសេរលើគេហទំព័រ ហ្វេសប៊ុកនៅថ្ងៃទី២២ ខែ សីហា ឆ្នាំ ២០២០នេះថា «ពិតមែនតែរាជរដ្ឋាភិបាល អោយឈប់មួយអាទិត្យ (បូកថែម ២ថ្ងៃទៀត) តែមិនមែនស្ថាប័នទាំងអស់ គ្មានអ្នកប្រចាំការទេ ។ គាត់ស្រែកច្រើនថ្ងៃហើយទោះត្រូវឬខុស គួរមានអ្នកចុះទៅដោះស្រាយផង» ៕
