ភ្នំពេញ៖ លោក គួច ចំរើន អភិបាលខេត្តព្រះសីហនុ បានសម្ដែងនូវអារម្មណ៍ហួសចិត្ត ចំពោះអាជីវករជួលពោងមួយចំនួន ដែលនៅតែបន្តជួលថ្លៃហួសកំណត់ ខណៈលោកបានជូនដំណឹង និងណែនាំរួចហើយ ។
លោកអភិបាលខេត្ត បានសរសេរលើបណ្ដាញ សង្គមហ្វេសប៊ុក នៅថ្ងៃទី២០ សីហានេះថា «នៅតែមានត្រីងៀតឆ្លៀតពង ជូនដំណឹងហើយ ណែនាំហើយ កុំកោរភ្ញៀវ ឆ្នេរសាធារណៈទេ នៅតែបំពាន ជួលថ្លៃហួសកំណត់ មានតែបញ្ឈប់កុំអោយនៅជួលទៀត» ។
សូមរំលឹកថា រយៈពេល ៣ថ្ងៃ (១៧-១៩ ខែសីហា ឆ្នាំ២០២០) នៃថ្ងៃឈប់សម្រាក សងថ្ងៃបុណ្យចូលឆ្នាំ ប្រពៃណីជាតិខ្មែរ មានភ្ញៀវទេសចរទៅសម្រាកកម្សាន្ត នៅខេត្តព្រះសីហនុចំនួនសរុប ៦៧.១២៦នាក់ ៕
