ភ្នំពេញ៖ ក្រសួងទេសចរណ៍ បានឲ្យដឹងថាក្នុងថ្ងៃទីពីរ នាឱកាស ឈប់សម្រាក សងថ្ងៃចូលឆ្នាំខ្មែរ ដែលត្រូវនឹងថ្ងៃទី១៨ ខែសីហាឆ្នាំ២០២០មានភ្ញៀវទេសចរ និងប្រជាពលរដ្ឋចេញ ដើរទស្សនាកម្សាន្ត នៅទូទាំងប្រទេសចំនួន ២៧៧,០៧៨នាក់ កើនឡើង១៨.៧៥% ធៀបនឹងថ្ងៃដំបូងក្នុងនោះខេត្តសៀមរាប និងខេត្តកំពតមានអ្នកទៅលេងច្រើនជាងគេ។
យោងតាមស្ថិតិ ភ្ញៀវជាតិនិងអន្តរជាតិ សម្រាប់ថ្ងៃទី១៨ ខែ សីហា បានឲ្យដឹងថា ក្នុងចំណោមភ្ញៀវ សរុបមានចំនួនសរុប២៧៧,០៧៨នាក់នេះ មានភ្ញៀវជាតិមានចំនួន ២៧៧,៦៤៩នាក់ និងភ្ញៀវអន្តរជាតិមានចំនួន ២,៧៧០នាក់។
គោលដៅទេសចរណ៍ សំខាន់ៗមួយចំនួន ដែលប្រជាពលរដ្ឋ សម្រុកទៅដើរ លេងរួមមាន៖
* ខេត្តសៀមរាបមានចំនួន ៤៤,៣៦៤នាក់
* ខេត្តកំពតមានចំនួន ៣៩,៩៨៣នាក់
* ខេត្តបាត់ដំបងមានចំនួន ២៦,៩៨៧នាក់
* ខេត្តកែបមានចំនួន ២៣,២២៩នាក់
* ខេត្តព្រះសីហនុមានចំនួន ២៣,១៤៩នាក់
* ខេត្តរតនគិរីមានចំនួន ១៤,២៩៤នាក់
* ខេត្តព្រះវិហារមានចំនួន ១២,៤៣០នាក់
* ខេត្តមណ្ឌលគិរីមានចំនួន ១០,២៥៤នាក់៕
