ភ្នំពេញ៖ ស្ថានឯកអគ្គរាជទូតកម្ពុជា ប្រចាំនៅប្រទេសវៀតណាម បានបញ្ជាក់ថា អាជ្ញាធរវៀតណាម បានអនុញ្ញាតឲ្យនិស្សិតកម្ពុជា ចូលវៀតណាម ដើម្បីបន្តការសិក្សា នៅថ្ងៃទី១៥ ខែកក្កដា ឆ្នាំ២០២០ តាមច្រកទ្វារព្រំដែនអន្តរជាតិបាវិត (ខេត្តស្វាយរៀង) ម៉ុកបាយ (ខេត្តតៃនិញ) គឺតែមួយថ្ងៃគត់ ។
យោងតាមសេចក្តីជូនព័ត៌មាន នៅថ្ងៃទី៩ កក្កដា បានឲ្យដឹងថា ពេលនិស្សិត សិក្ខាកាមយោធា និងសិក្ខាកាមនគរបាលទាំងអស់ ចូលទៅដល់វៀតណាម ត្រូវអនុវត្តន៍វិធានចត្តាឡីស័ករយៈពេល ១៤ថ្ងៃសិន នៅខេត្តតៃនិញ ៕
