ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ក្នុងពេលដែលជំងឺកូវីដ១៩ កំពុងតែរីករាលដាល នឹងធ្វើឲ្យស្ត្រីមានផ្ទៃពោះនៅកម្ពុជា កើនឡើង ។
ក្នុងពិធីប្រកាសអនុវត្ត កម្មវិធីឧបត្ថម្ភសាច់ប្រាក់ ជូនប្រជាពលរដ្ឋមានជីវភាពក្រីក្រ និងងាយរងគ្រោះដោយសារ ជំងឺកូវីដ១៩ ប្រមាណ ៦០ម៉ឺនគ្រួសារ នៅព្រឹកថ្ងៃទី២៤ មិថុនានេះ សម្ដេចតេជោ ហ៊ុន សែន បានមានប្រសាសន៍បន្តថា នេះគ្រាន់តែជាការនិយាយលេង ហើយក៏អាចជាការពិតផងដែរ ព្រោះជំងឺកូវីដ១៩ ធ្វើឲ្យបុរសៗលែងហ៊ាន ទៅចូលខារ៉ាអូខេ ។
