ភ្នំពេញ៖ លោកឧត្ដមសេនីយ៍ឯក ស ថេត អគ្គស្នងការរង និងជាស្នងការនគរបាល រាជធានីភ្នំពេញ បានបញ្ជាឲ្យដោះផ្លាកលេខ ន.ប ដែលគ្មានច្បាប់អនុញ្ញាត ត្រឹមត្រូវចេញជាបន្ទាន់ បើមិនដូច្នេះទេនឹងចាត់ វិធានការតាមច្បាប់ ។ នេះបើយោងតាម ហ្វេសប៊ុកលោក ស ថេត ។
ក្នុងឱកាសអញ្ជើញត្រួតពិនិត្យ ការបិទឡូហ្គោសញ្ញានគរបាលជាតិ (រាជសីហ៍) នៅស្នងការដ្ឋាននគរបាល រាជធានីភ្នំពេញ នាព្រឹកថ្ងៃទី២៣ មិថុនានេះ លោកឧត្តមសេនីយ៍ឯក ស ថេត បានណែនាំដល់តាមបណ្តាអង្គភាព និងមន្ត្រីពាក់ព័ន្ធទាំងអស់ ត្រូវប្រើប្រាស់យានយន្ត របស់អង្គភាពឲ្យបានត្រឹមត្រូវ និងហាមដាច់ខាតការយក យានយន្តរបស់អង្គភាពទៅ ប្រើប្រាស់ជាលក្ខណៈឯកជន ឬបម្រើឲ្យក្រុមគ្រួសារឡើយ ។
ជាពិសេសលោកស្នងការបានសង្កត់ធ្ងន់ថា «យានយន្តដែលពាក់ផ្លាកលេខ ន.ប ដែលមិនមានច្បាប់អនុញ្ញាតិត្រឹមត្រូវ ត្រូវតែដោះចេញជាបន្ទាន់ បើមិនដូច្នេះទេនឹងត្រូវមាន វិធានការណ៍តាមច្បាប់» ៕
