ភ្នំពេញ៖ គណបក្សប្រជាជនកម្ពុជា ប្រកាសផ្អាករៀបចំពិធីជួបជុំ ឬមិទ្ទីញ ដើម្បីអបអរសាទរខួបលើកទី៦៩ ថ្ងៃបង្កើតគណបក្ស ដែលនឹងត្រៀមរៀបចំ នៅថ្ងៃទី២៨ ខែមិថុនា ឆ្នាំ២០២០ ខាងមុខនេះ ដោយសារជំងឺ COVID-19។
យោងតាមសេចក្តីជម្រាបជូន ប្រធានគណៈមកម្មាធិការ គណបក្សរាជធានី-ខេត្ត នៅថ្ងៃទី២២ ខែឧសភា ឆ្នាំ២០២០ បានឲ្យដឹងបន្ថែមថា ទោះបីផ្អាកការជួបជុំគ្នាដូចបណ្តាឆ្នាំមុនៗក្តី គណបក្សប្រជាជនកម្ពុជា តម្រូវឱ្យគណៈកម្មាធិការ គណបក្សគ្រប់ជាន់ថ្នាក់ ត្រូវបន្តរៀបចំផ្សព្វផ្សាយ Logo គណបក្សខួបលើកទី៦៩ ដែលមានភ្ជាប់ជាមួយនេះ នៅតាមទីកន្លែងជាក់ស្តែង និងតាមការអនុញ្ញាតនៃច្បាប់ ដូចដែលធ្លាប់បានធ្វើជា រៀងរាល់ឆ្នាំកន្លងមក ៕
