ភ្នំពេញ៖ លោក ម៉ម ប៊ុនហេង រដ្ឋមន្រ្តីក្រសួងសុខាភិបាល បានបញ្ជាក់ក្នុងសន្និសីទសារព័ត៌មាន ស្ដីពី «បច្ចុប្បន្នភាពជំងឺកូវីដ១៩» ថ្ងៃទី៤ ឧសភា នេះថា គិតត្រឹមថ្ងៃទី៣ ខែឧសភា ឆ្នាំ២០២០ ពុំមានអ្នកជំងឺកូវីដ១៩ ជាសះស្បើយ ហើយក៏ពុំមានអ្នកឆ្លងថ្មីនោះដែរ ។
សូមរំលឹកថា គិតត្រឹមព្រឹកថ្ងៃទី៤ ឧសភានេះ កម្ពុជាព្យាបាលជាសះស្បើយសរុប ១២០នាក់ និងកំពុងសម្រាកព្យាបាលបន្ត នៅសល់តែ ២នាក់ទៀតប៉ុណ្ណោះ (សរុបទាំងអ្នកជាសះស្បើយ និងអ្នកកំពុងសម្រាកព្យាបាលបន្ត មានចំនួន ១២២នាក់) ៕
