ភ្នំពេញ៖ សម្ដេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ បានធ្វើការអំពាវនាវដល់កងទ័ព ក៏ដូចជាប្រជាពលរដ្ឋគ្រប់រូប ចូលរួមគោរពនិងអនុវត្ត ច្បាប់ចរាចរណ៍ ឱ្យបានម៉ឺងម៉ាត់ បើកបរដោយការយោគយល់គ្នា ដើម្បីការពារអាយុជីវិត របស់យើងទាំងអស់គ្នាខណៈសមត្ថកិច្ច កំពុងអនុវត្តច្បាប់ចរាចរណ៍ ដោយធ្វើការផាកពិន័យធ្ងន់ធ្ងរ ចំពោះអ្នកល្មើសច្បាប់។
សម្ដេច ទៀ បាញ់ បានសរសេរលើបណ្ដាញទំនាក់ទំនង សង្គមហ្វេសប៊ុកនៅថ្ងៃទី៤ ឧសភានេះ ថា “សូមបងប្អូនកងទ័ព ក៏ដូចជាប្រជាពលរដ្ឋគ្រប់រូប ចូលរួមគោរពនិងអនុវត្តច្បាប់ចរាចរណ៍ ឱ្យបានម៉ឺងម៉ាត់ បើកបរដោយការ យោគយល់គ្នា ដើម្បីការពារអាយុជីវិត របស់យើងទាំងអស់គ្នា” ។
