ដំណឹងល្អ! ថ្ងៃទី១៣ មេសា នេះកម្ពុជាគ្មាន អ្នកឆ្លងជំងឺកូវីដ-១៩ទេ ខណៈអ្នកជាសះស្បើយ សរុប៧៧នាក់ 

ភ្នំពេញ៖ ក្រសួងសុខាភិបាលកម្ពុជាបានឲ្យដឹងថា គិត ៩ព្រឹក ថ្ងៃទី  ១៣ មេសា ២០២០ កម្ពុជាពុំរកឃេីញអ្នកជំងឺ COVID-19 ករណីថ្មីនោះទេ ហើយក៏គ្មានករណីជាសះស្បេីយនោះដែរ ។

សូមបញ្ជាក់ថាគិតត្រឹមថ្ងៃទី១៣ មេសា ឆ្នាំ២០២០នេះ កម្ពុជាមានរកឃើញអ្នកជំងឺកូវីដ-១៩ សរុបចំនួន១២២ករណី  ក្នុងនោះបានព្យាបាល ជាសះស្បេីយទេ សរុប ៧៧នាក់ ស្លាប់គ្មាន   ។

ក្រសួងបញ្ជាក់ថាមកដល់ពេលនេះ ពុំទាន់រកឃេីញភ័ស្តុតាង ជាក់ស្តែងបញ្ជាក់ថាមានការឆ្លងក្នុងសហគមន៍នៅឡេីយទេ  តែលទ្ធភាពនឹងអាចកេីតមានឡេីង  ដូច្នេះសូមបងប្អូនបន្តប្រយ័ត្នជាប់ជានិច្ច ដោយធ្វេីអនាម័យ នៅឃ្លាតឆ្ងាយពីគ្នា  មិនចេញក្រៅផ្ទះបេីមិនចាំបាច់  ។