ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា រកឃើញជនបរទេសឆ្លងជំងឺកូវីដ១៩ នៅខេត្តព្រះសីហនុ ចំនួន២នាក់បន្ថែមទៀត នៅព្រឹកនេះ សរុបកើនឡើងដល់ ៩៣ករណី ។ នេះបើតាមការបញ្ជាក់ របស់សម្ដេច ក្នុងពិធីសំណេះសំណាល ជាមួយគ្រូពេទ្យស្ម័គ្រចិត្ត មុនចេញបេសកកម្ម ជាមួយក្រសួងសុខាភិបាល ដើម្បីប្រយុទ្ធជាមួយជំងឺកូវីដ១៩ នាព្រឹកថ្ងៃទី២៥ ខែមីនា ឆ្នាំ២០២០នេះ ៕
