ប្រមុខការពារជាតិកម្ពុជា៖ ព័ត៌មានអំពី គ្រោះថ្នាក់របស់ខ្ញុំ ជាព័ត៌មានមិនពិត

ភ្នំពេញ៖ សម្ដេច ទៀ បាញ់ ប្រមុខការពារជាតិកម្ពុជា បានចេញមុខប្រតិកម្ម នៅថ្ងៃទី១៨ មីនានេះថា ព័ត៌មានអំពីគ្រោះថ្នាក់ របស់សម្ដេចនោះ ជាព័ត៌មានមិនពិត មានចេតនាអាក្រក់ ខណៈសម្ដេចសុខសប្បាយ ជាធម្មតាទេ។

សម្ដេច ទៀ បាញ់ បានសរសេរលើហ្វេសប៊ុកថា “សូមជម្រាបជូនសាធារណជន ឱ្យបានជ្រាបថា ព័ត៌មានអំពីគ្រោះថ្នាក់របស់ខ្ញុំ ដែលបានផ្សព្វផ្សាយដោយ News Fast ជាព័ត៌មានមិនពិត មានគោលបំណងបង្កការភាន់ច្រឡំ និងចេតនាអាក្រក់ណាមួយ។ ខ្ញុំសុខសប្បាយជាធម្មតាទេ សូមបងប្អូនជ្រាបជាព័ត៌មាន” ៕