ភ្នំពេញ៖រហូតមកដល់ពេលនេះក្រសួងរៀបចំដែនដី នគររូបនីយកម្ម និងសំណង់ចុះបញ្ជីក្បាលដីជូនប្រជាពលរដ្ឋបានជាង៥លានក្បាលដីក្នុងចំណោមក្បាលដីសរុបនៅទូទាំងប្រទេសជាង៧លានក្បាលដី ចំណែកចំនួនដែលនៅសេសសល់ក្រសួងគ្រោងបញ្ចប់នៅឆ្នាំក្រោយ។នេះបើតាមការបញ្ជាក់ពីលោក សេង ឡូត អ្នកនាំពាក្យក្រសួងរៀបចំដែនដី នគររូបនីយកម្ម និងសំណង់ ក្នុងសន្និសីទកាសែតនៅព្រឹកថ្ងៃទី១៦មីនានេះនាទីស្ដីការគណៈរដ្ឋមន្រ្តី។
លោក សេង ឡូត បានឲ្យដឹងថារហូតមកដល់ពេលនេះក្រសួងរៀបចំដែនដី នគរូបនីយកម្ម និងសំណង់បាន ចុះបញ្ជីដីធ្លីជូនប្រជាពលរដ្ឋជាង៥លាន៦សែនក្បាលដី ស្មើ៨១ភាគរយធៀបនឹងចំនួនក្បាលដី ដែលត្រូវចុះបញ្ជីនៅទូទាំងប្រទេសមានប្រមាណជាង៧លានក្បាលដី។
អ្នកនាំពាក្យបានអះអាងទៀតថា ការចុះបញ្ជីដីធ្លីនេះមិន មានការគៀបសង្កត់ឬបង្ខិតបង្ខំប្រជាពលរដ្ឋណាមួយនោះទេ៕
