ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា រាជរដ្ឋាភិបាលគ្មានភាពចាំបាច់ត្រូវលាក់បាំង ពីជំងឺកូវីដ១៩នោះទេ ។
ការលេីកឡេីងរបស់សម្ដេចតេជោ ធ្វេីឡេីងស្របពេលដែល ប្រទេសកម្ពុជារកឃេីញករណីឆ្លងជំងឺកូវីដ១៩ ចំនួន៧ករណីហេីយ ក្នុងនោះមានមួយករណីបានជាសះស្បេីយ និងត្រឡប់ទៅប្រទេសវិញ ។
ក្នុងពិធីបុណ្យទន្លេលើកទី៦ នៅខេត្តបាត់ដំបង នៅទី១៤ ខែមីនា ឆ្នាំ២០២០នេះ សម្ដេចតេជោ ហ៊ុន សែន បានសុំអភ័យទោសចំពោះស្ថានទូតបរទេសប្រចាំកម្ពុជាខ្លះដែលស្នើសុំឲ្យយកជនជាតិរបស់គេមកដេកនៅសណ្ឋាគារផ្កាយ៥នៅភ្នំពេញ តែកម្ពុជាមិនអាចធ្វើដូច្នេះបានឡើយ។
ពាក់ព័ន្ធបញ្ហានេះ សម្តេចតេជោនាយករដ្ឋមន្ត្រី ក៏បានបបួលអ្នកនិយាយថា រាជរដ្ឋាភិបាលលាក់បាំងព័ត៌មានករណីជំងឺកូវីដ១៩ ស្បថដាក់ជីវិតផងដែរ ៕
