ភ្នំពេញ៖ផ្លូវបុប្ផាលាក់ខ្លួន” ជាឈ្មោះថ្មី ជំនួសផ្លូវអន្ទង់អាំង ដែលត្រូវបានសម្ពោធដាក់ឲ្យប្រើប្រាស់ជាផ្លូវការនៅថ្ងៃនេះ។
ក្នុងពិធីសម្ពោធដាក់ឱ្យប្រើប្រាស់ជាផ្លូវការផ្លូវជាតិលេខ៥៥ ( ពោធិ៍សាត់-វាលវែង-ថ្មដា) និងពិធីបើកការដ្ឋានសាងសង់ ផ្លូវជាតិលេខ១០ (សំឡូត-វាលវែង-អូរសោម-កោះកុង) សម្ដេចតេជោ ហ៊ុន សែននាយករដ្ឋមន្រ្តីនៃកម្ពុជាបានហៅឈ្មោះផ្លូវជាតិលេខ៥៥ថាជាផ្លូវបុប្ផាលាក់ខ្លួនព្រោះកម្រមានអ្នកមកដល់ណាស់។ជាពិសេសផ្លូវនេះអមសងខាងដោយព្រៃព្រឹក្សាស្រស់ត្រកាលគួរឲ្យចង់គយគន់ជាទីទាក់ទាញទេសចរគ្រប់ទិសទីផងដែរ៕
