ភ្នំពេញ៖ លោក សុង សារ៉ន ប្រធានសហព័ន្ធស្រូវអង្ករកម្ពុជា បានលើកឡើងតាមរយៈគេហទំព័រហ្វេសប៊ុក នៅថ្ងៃទី៣ មីនានេះថា ហុងកុងនាំចូលអង្ករក្នុងមួយឆ្នាំ ប្រហែល ៥០០,០០០តោន សហព័ន្ធស្រូវអង្ករកម្ពុជា Cambodia Rice Federation – CRF មានផែនការបង្កើននាំចេញអង្ករ ទៅកាន់ទីផ្សារថ្មីនេះអោយបាន ៣០,០០០តោន ក្នុងឆ្នាំ ២០២០ នេះ ។
សូមបញ្ជាក់ថាការនាំចេញអង្ករទៅកាន់ទីផ្សារថ្មីហុងកុង កើនឡើងយ៉ាងខ្លាំងសំរេចបានជាង ៦,៦០០តោន ក្នងរយៈពេល ២ខែ ដើមឆ្នាំ២០២០។ ខណៈហុងកុងនាំចូលពីកម្ពុជាប្រហែល ១២,០០០តោន ក្នុងឆ្នាំ២០១៩ ៕
