២ខែអង្គរ​ទាក់​ទាញ​ភ្ញៀវទេសចរ​បរទេស​ បានជាង​៣៤ម៉ឺន​នាក់រក​ចំណូលជាង ១៦លានដុល្លារ ចាក់ចូល​សេដ្ឋកិច្ចជាតិ

ភ្នំពេញ៖ នៅ២ខែដំបូង(ខែមករា និងកុម្ភៈ) ឆ្នាំ២០២០នេះ មានភ្ញៀវទេសចរបរទេសជាង៣៤ម៉ឺននាក់ បានទិញសំបុត្រចូលទស្សនារមណីយដ្ឋានអង្គរ ធ្លាក់ចុះ៣៧ភាគរយ បើធៀបនឹងរយៈពេលដូចគ្នា ឆ្នាំ២០១៩។
សេចក្ដីប្រកាសព័ត៌មានរបស់គ្រឹះស្ថានអង្គរនៅថ្ងៃទី២ ខែមីនា ឆ្នាំ២០២០នេះ
បានបញ្ជាក់ថា រយៈពេល២ខែ ចាប់ពីខែមករា ដល់ កុម្ភៈ ឆ្នាំ២០២០នេះ ចំណូលដែលបានពីការលក់សំបុត្រ ឲ្យភ្ញៀវទេសចរជាង ៣៤ម៉ឺននាក់ មានចំនួនជាង ១៦លានដុល្លារ ធ្លាក់ចុះជាង ៣៥ភាគរយ។ ក្នុងចំណោមថវិកាជាង ១៦លានដុល្លារ ត្រូវដកជិត ៧០ម៉ឺនដុល្លារ សម្រាប់ឧបត្ថម្ភដល់មន្ទីរពេទ្យគុន្ធបុប្ផា៕