ភ្នំពេញ៖ លោក គង់ វិបុល ប្រតិភូរាជរដ្ឋាភិបាល ទទួលបន្ទុកអគ្គនាយកនៃអគ្គនាយកដ្ឋានពន្ធដារ បានស្នើដល់ម្ចាស់សហគ្រាសទាំងអស់ ជាពិសេសម្ចាស់សណ្ឋាគារ និងផ្ទះសំណាក់ ដែលទទួលបានការលើកលែងពន្ធ និងការធ្វើសវនកម្ម សូមប្រកាសពន្ធដោយស្មោះត្រង់។
សេចក្តីប្រកាសព័ត៌មានរបស់ពន្ធដារ បានបញ្ជាក់ថា «សហគ្រាសទាំងអស់ ត្រូវពង្រឹងអនុលោមភាពសារពើពន្ធ ក្នុងនោះស្មោះត្រង់ក្នុងការប្រកាសជូនរដ្ឋបាល ក្នុងអំឡុងពេលលើកលែងពន្ធពីខែកុម្ភៈ ដល់ខែឧសភា ឆ្នាំ២០២០ ទោះបីដឹងថាសហគ្រាសរួចផុត ពីការធ្វើសវនកម្មពេញលេញ សម្រាប់ការិយបរិច្ឆេទឆ្នាំ២០២០»៕
