មនុស្សជាង២០០នាក់ស្លាប់និងរបួសជាង៥០០នាក់់ដោយសារគ្រោះថ្នាក់ចរាចរណ៍ក្នុងខែមករា

ភ្នំពេញ៖យោងតាមរបាយការណ៍របស់គណៈកម្មាធិការជាតិសុវត្ថិភាពចរាចរណ៍ផ្លូវគោកឱ្យដឹងថា គ្រោះថ្នាក់ចរាចរណ៍ក្នុងខែមករា ឆ្នាំ២០២០ បានកើតឡើងចំនួន ៣៥៨លើក បណ្តាលឱ្យស្លាប់ចំនួន ២០៦នាក់ និងរបួសចំនួន ៥៥៨នាក់ ប្រៀបធៀបខែធ្នូ ឆ្នាំ២០១៩ ថយចុះចំនួន ១២លើក (៣៥៨ /៣៧០លើក) ស្មើនឹង ៣% ស្លាប់កើនចំនួន ២០នាក់ (២០៦/១៨៦នាក់) ស្មើនឹង ១១% និងរបួស កើន ៥៨នាក់ (៥៥៨ /៥០០នាក់) ស្មើនឹង១២%។