ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិ សុវត្ថិភាពចរាចរណ៍ផ្លូវគោក មានប្រសាសន៍ថា ពេលថ្ងៃពាក់មួក សុវត្ថិភាពស្ទេីរ១០០% ពេលយប់មិនសូវពាក់មួក ដូច្នេះ ភាគីពាក់ព័ន្ធ ត្រូវបន្ដរឹតបន្ដឹងច្បាប់ចរាចរណ៍ ទាំងថ្ងៃ និងយប់ ដេីម្បីកាត់បន្ថយគ្រោះថ្នាក់ចរាចរណ៍។
សម្ដេចក្រឡាហោម ស ខេងមានប្រសាសន៍បែបនេះក្នុងកិច្ចប្រជុំត្រួតពិនិត្យការងារសុវត្ថិភាពចរាចរណ៍ផ្លូវគោកប្រចាំខែមករា ឆ្នាំ២០២០ នៅទីស្ដីការ ក្រសួងមហាផ្ទៃ នាថ្ងៃទី២៧ ខែកុម្ភៈ ឆ្នាំ២០២០។
សម្តេចក្រឡាហោម ស ខេងបានលើកឡើងបន្ថែមថាមនុស្សទាំងអស់គឺស្មើភាពចំពោះមុខច្បាប់ ដោយត្រូវតែគោរពតាមគោលការនៃច្បាប់ដែលបានចែងក្នុងមាត្រានៃច្បាប់នីមួយៗរបស់ព្រះរាជាណាចក្រកម្ពុជា។
ក្នុងឱកាសនោះសម្តេចក្រឡាហោមក៏បានស្នើឱ្យគនរបាលចរាចរណ៍ចាត់វិធានការណ៍អនុវត្តលើការងាររឹតបន្តឹងច្បាប់ចរាចរណ៍ផ្លូវគោកឱ្យបានតឹងរឹង និងអនុវត្តចំពោះមុខដោយស្មើភាពគ្នា ក្នុងនាមនគរបាលអនុវត្តច្បប់៕
