ភ្នំពេញ៖ នៅខែមករា ឆ្នាំ២០២០ មានភ្ញៀវទេសចរបរទេសចំនួន២២២,៥៦១នាក់ទិញសំបុត្រចូលទស្សនារមណីយដ្ឋានអង្គរ គិតជាទឹកប្រាក់បានចំនួន ១០,៥៤៧,៣៣២ដុល្លារអាមេរិកចាក់ចូលសេដ្ឋកិច្ចជាតិ។
សេចក្ដីប្រកាស់ព័ត៌មានរបស់គ្រឹះស្ថានអង្គរនៅថ្ងៃទី១ ខែកុម្ភៈនេះបានបញ្ជាក់ថា ស្ថិតិភ្ញៀវទេសចរបរទេស ដែលបានទិញប័ណ្ណចូលទស្សនារមណីយដ្ឋានអង្គរសម្រាប់ខែមករា ឆ្នាំ២០២០ មានការថយចុះ ១៧.៨៩% បើប្រៀបធៀបទៅនឹងរយៈពេលដូចគ្នាឆ្នាំ២០១៩។ សម្រាប់ចំណូលក៏មានការថយចុះ ១៤.៨១%។
សូមរំលឹកថា នៅឆ្នាំ២០១៩ មានភ្ញៀវទេសចរបរទេសជាង២លាននាក់ទិញបណ្ណចូលទស្សនារមណីយដ្ឋានអង្គរ រកចំណូលបានជិត១០០លានដុល្លារអាមេរិក៕
