ភ្នំពេញ៖នាយកដ្ឋានប្រយុទ្ធប្រឆាំងជំងឺឆ្លងបានឲ្យដឹងថា រូបភាពថ្មីថ្ងៃនេះថតតាមវីដេអូហ្វូន សុខភាពអ្នកជំងឺរលាកសួតបង្កឡើងដោយកូរ៉ូណាវីរុសប្រភេទថ្មី មានសុខភាពល្អប្រសើរ និង សប្បាយរីករាយ ។ តាមភាសាចិន គាត់បានអរគុណគ្រូពេទ្យខ្មែរយើងដែបានយកចិត្តទុកព្យាបាលគាត់ ថ្នាក់ដឹកនាំក្រសួងសុខាភិបាល និង អរគុណសម្តេចតេជោដែលបានណែនាំគ្រូពេទ្យយកចិត្តទុកដាក់ព្យាបាលគាត់ក្នុងមន្ទីរពេទ្យក្រុងព្រះសីហនុ ។
សូមរំលឹកថា លោក ចា ជិនហូរ (Jia Jianhua) ភេទប្រុស អាយុ៦០ឆ្នាំ ដែលផ្ទុកជំងឺផ្លូវដង្ហើមថ្មីកូរ៉ូណា បានធ្វើដំណើរមកពីទីក្រុងវូហាន ជាមួយក្រុមគ្រួសារ៣នាក់ទៀត មកដល់ក្រុងព្រះសីហនុ ប្រទេសកម្ពុជា កាលពីថ្ងៃទី២៣ ខែមករា ឆ្នាំ២០២០។ បន្ទាប់ពីមកដល់រយៈពេល២ថ្ងៃ លោកមានអាការៈក្អក ក្តៅខ្លួនខុសធម្មតា ហើយត្រូវបានមន្រ្តីសុខាភិបាលយកសំណាកបំពងកទៅពិនិត្យឃើញថា គាត់មានជំងឺរលាកផ្លូវដង្ហើមប្រភេទថ្មីកូរ៉ូណា នៅថ្ងៃទី២៧ ខែមករា ឆ្នាំ២០២០៕
