ភ្នំពេញ ៖ អគ្គនាយករដ្ឋានអន្ដោប្រវេសន៍បានឲ្យដឹងថាមានជនជាតិចិនជាង ២០ម៉ឺននាក់បានចាកចេញពីប្រទេសកម្ពុជាបន្ទាប់ពីរាជរដ្ឋាភិបាលកម្ពុជាប្រកាសបិទការភ្នាល់គ្រប់ប្រភេទ តាមប្រព័ន្ធonline ។
ឧត្តមសេនីយ៍ឯក ណុប វី អគ្គនាយករង អន្តោប្រវេសន៍ បានឲ្យដឹងនៅថ្ងៃទី៣០ ខែមករា ឆ្នាំ២០២០ ថា “បន្ទាប់ពីរាជរដ្ឋាភិបាលបានប្រកាសបញ្ឈប់សកម្មភាពហ្គេមអនឡាញ កាលពីខែសីហា។ រហូតមកដល់ចុងឆ្នាំ២០១៩ ចំនួនជនជាតិចិនដែលចាកចេញពីកម្ពុជា មានប្រមាណជាង ២០ម៉ឺននាក់”។
សូមបញ្ជាក់ថាចាប់ពីយប់រំលងអធ្រាត្រថ្ងៃទី៣១ ខែធ្នូ ឆ្នាំ២០១៩ ល្បែងអនឡាញគ្រប់ប្រភេទបានចាប់ផ្តើមបិទមិនឲ្យមានតទៅទៀតនោះឡើយហើយប្រសិនបើបុគ្គលណាឬក្រុមហ៊ុនបន្ត បើកទៀតនឹងចាត់វិធានការទៅតាម ផ្លូវច្បាប់ជាធរមាន៕
