ភ្នំពេញ៖ នាយកដ្ឋានប្រយុទ្ធនឹងជំងឺឆ្លង CDC បានបញ្ជាក់ថារហូតដល់ម៉ោង ១២:៣០ ថ្ងៃត្រង់ ថ្ងៃទី ២៩ មករា ២០២០ នៅកម្ពុជាពុំទាន់រកឃើញករណីជំងឺកូរ៉ូណាវីរុសថ្មីទៀតទេខណៈអ្នកជំងឺម្នាក់នៅព្រះសីហនុគ្មានរោគសញ្ញាធ្ងន់ធ្ងរអ្វីទេ។
នាយកដ្ឋានប្រយុទ្ធនឹងជំងឺឆ្លង CDC បានឲ្យដឹងបន្ថែមថាស្ថានភាពអ្នកជំងឺរលាកសួតបង្កឡើងដោយមេរោគកូរ៉ាវីរុសប្រភេទថ្មី អ្នកជំងឺបន្តមានសុខភាពល្អ គ្មានរោគសញ្ញាធ្ងន់ធ្ងរអ្វីទេ ។ អ្នកប៉ះពាល់ដទៃទៀត និងអ្នកជិះយន្តហោះជាមួយអ្នកជំងឺ រហូតពេលនេះ អ្នកទាំងនោះពុំមានអ្នកចេញរោគសញ្ញាអ្វីនៅឡើយដែរ ។ មន្រ្តីជំនាញនឹងបន្តតាមដានសុខភាពអ្នកប៉ះពាល់ជាមួយអ្នកជំងឺទាំងអស់ជារៀងរាល់ថ្ងៃ ។ ហើយគ្រូពេទ្យថែទាំអ្នកជំងឺក៏គ្មានចេញរោគសញ្ញាអ្វីទេនិងគ្រប់គ្រូពេទ្យបំរើការនៅមន្ទីរពេទ្យក្រុងព្រះសីហនុ កំពុងបំរើការងារក្នុងមន្ទីរពេទ្យជាធម្មតា៕
