ភ្នំពេញ៖លោក វរសេនីយ៍ត្រី សុខ មីនកងរាជអាវុធហត្ថស្រុកអូរយ៉ាដាវដោយមានការសម្របសម្រួលនីតិវិធីពីលោកព្រះរាជអាជ្ញារង រ៉ាបូ រ៉ាន់ឌីកាលពីថ្ងៃទី២៨ខែមករាឆ្នាំ២០២០បានបញ្ជាកម្លាំងចុះបង្រ្កាបបទល្មើសព្រៃឈើនៅខាងក្រោយកាស៊ីណូលោកឧកញ៉ា ទ្រីភាព ស្ថិតក្នុងភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ បានប្រទះឃើញម៉ូតូដឹកឈើចំនួន ៥គ្រឿង តែបានទំលាក់ឈើចោលចំនួន ៤គ្រឿងហើយបើករត់គេចខ្លួនបាត់។
គេហទំព័រហ្វេសប៊ុករបស់កងរាជអាវុធហត្ថបានបញ្ជាក់ថា កម្លាំងបានរឹបអូសឈើលេខ១ ចំនួន២០ ដុំស្មើ ២.៩៩៨ ម៉ែត្រត្រីគុណ ក្នុងនោះ (សុក្រម១៧ ដុំស្មើ ១.៨៧៦ម៉ែត្រត្រីគុណ ពពេល៣ ដុំស្មើ ១.១២២ម៉ែត្រត្រីគុណ)ម៉ូតូកែច្នៃ១គ្រឿង។បច្ចុប្បន្នវត្ថុតាងប្រគល់ជូនសង្កាត់រដ្ឋបាលព្រៃឈើស្រុកអូរយ៉ាដាវរក្សាទុក៕
