ភ្នំពេញ ៖ ក្នុងពិធីប្រគល់រថយន្ដ ដល់ស្នងការដ្ឋាននគរបាល រាជធានី-ខេត្ត នៅថ្ងៃទី២៩ ខែមករា ឆ្នាំ២០២០ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានណែនាំឲ្យកម្លាំងនគរបាលគ្រប់ជាន់ថ្នាក់ត្រូវបម្រើជាតិនិងប្រជាពលរដ្ឋជាធំមិនត្រូវបម្រើបក្ខពួក និងក្រុមគ្រួសាររបស់ខ្លួននោះឡើយ។
សម្ដេចក្រឡាហោម ស ខេង បានថ្លែងថា «គាត់(នគរបាល)ត្រូវស្មោះត្រង់តួនាទីរបស់គាត់ ដើម្បីបម្រើជាតិ និងបម្រើប្រជាពលរដ្ឋ ។ មិនមែនបម្រើដើម្បីខ្លួនយើង បក្ខពួកយើង ក្រុមគ្រួសារយើងទេ គឺបម្រើផលប្រយោជន៍រួម ផលប្រយោជន៍ជាតិ និងប្រជាពលរដ្ឋ»៕
