ភ្នំពេញ៖ លោក នុត សវនា អ្នកនាំពាក្យពន្ធនាគារ បានលើកឡើងនៅរសៀលថ្ងៃទី២២ ខែមករា ឆ្នាំ២០២០ បានសរសេរនៅលើបណ្តាញសង្គមហ្វេសប៊ុករបស់លោកថា «យើងចង់រកយុត្តិធម៌ជូនដួងវិញ្ញានក្ខ័ន្ធសពដែលស្លាប់ ចុះចំពោះអ្នកនៅរស់ តើគ្នាត្រូវទទួលបានយុត្តិធម៌ខ្លះទេ បើយើងយកកំហឹង និងទុក្ខសោកមកទាមទារយុត្តិធម៌ឲ្យតែភាគីម្ខាង?»
ការលើកឡើងយ៉ាងនេះត្រូវបានគេយល់ឃើញថា លើកចង់ឲ្យថ្លឹងថ្លែង ក្នុងហេតុការណ៍ យុវសិស្សពីរនាក់បានវាយគ្នា ហើយម្នាក់ទៀតបានស្លាប់ ដែលបានកើតឡើងនាពេលថ្មីៗនេះ ។
អ្នកនាំពក្យពន្ធនាគារខាងលើបាន បន្តថា «ហើយមកទល់ពេលនេះ ខ្ញុំសែនឆ្ងល់ម៉ែអាឆ្ងល់ហើយ ថាខាងក្រសួងសង្គមកិច្ច ដែលមានតួនាទី និងសមត្ថកិច្ចលើអនីតិជន ដែលមានទំនាស់ជាមួយច្បាប់នោះសម្ងំស្ងៀមល្អម្លេះ? មួយរយៈនេះ ខ្ញុំចាំបញ្ឈរភ្នែកមើល ករណីអនីតិជនប៉ុន្មានករណីហើយ ហើយជនជាប់ឃុំជាអនីតិជននៅទូទាំងប្រទេសជាង១ពាន់នាក់ ដែលកំពុងខ្វះការយកចិត្តទុកដាក់នោះ តើពេលណាអស់លោក លោកស្រីអញ្ជើញយកខួរ និងបេះដូងមកខ្វល់ពីពួកគេ?
ច្បាប់ដាក់ឲ្យអនុវត្តតាំងពីដើមឆ្នាំ២០១៧ មកទល់ពេលនេះ ផេះ! Enough is enough!៕»
