ភ្នំពេញ៖នៅព្រឹកថ្ងៃចន្ទ ទី២០ ខែមករា ឆ្នាំ២០២០ លោក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជើញដឹកនាំកម្លាំងសរុបចំនួន 779នាក់ ដើម្បីចូលរួមគោរពទង់ជាតិនៃព្រះរាជាណាចក្រកម្ពុជា ក្នុងនោះលោកបានដាក់បទបញ្ជាឲ្យថ្នាក់ក្រោមឱវាទជួយយកចិត្តទុកដាក់ខ្ពស់ ក្រោយករណីសិស្សសាលាវាយគ្នាស្លាប់ និង ត្រូវកាត់សក់ខ្លីជាប្រចាំ។
ក្នុងឱកាសនោះដែរលោកស្នងការបានមានមតិណែនាំដល់កម្លាំងទាំងអស់អោយគោរពវិន័យកងកម្លាំង ត្រូវកាត់សក់ខ្លីជាប្រចាំ ជាពិសេសកម្លាំងអន្តរាគមន៍តាមគ្រប់បណ្តាខណ្ឌត្រូវតែស្លៀកពាក់ស្អាត និងកាត់សក់ខ្លីជានិច្ច ។
ក្នុងនោះដែរលោក ស្នងការ ក៏បានលើកពីករណី
សិស្សសាលាដែលវាយគ្នា និងវាយគ្នាបណ្តាលអោយស្លាប់ ក្នុងនាមជាសមត្ថកិច្ចត្រូវបន្ថែមការយកចិត្តទុកដាក់ខ្ពស់លើករណីនេះ ម្យ៉ាងវិញទៀតក្នុងនាមជាឱពុកម្តាយក៏ត្រូវតែចំណាយពេលវេលាខ្លះដើម្បីណែនាំអប់រំកូនៗអំពីសីលធម៌ក្នុងការរស់នៅ ដូចជាក្នុងពេលកំពុងញ៉ាំអាហាររួមគ្នា ឬក៏ពេលមុនចូលគេង ៕
