ភ្នំពេញ៖ អគ្គស្នងការនគរបាលជាតិនាយឧត្តមសេនីយ៍ នេត សាវឿន បានថ្លែងអះអាងថា ចាប់ពីយប់រំលងអាធ្រា្រតថ្ងៃទី៣១ ខែធ្នូ ឆ្នាំ២០១៩តទៅល្បែងអនឡាញគ្រប់ប្រភេទនឹងចាប់ផ្តើមបិទមិនឲ្យមាន តទៅទៀតនោះឡើយហើយប្រសិនបើបុគ្គលណាឬក្រុមហ៊ុនបន្ត បើកទៀតនឹងចាត់វិធានការទៅតាម ផ្លូវច្បាប់ជាធរមាន។
ថ្លែងនៅក្នុងកិច្ចប្រជុំជាមួយតំណាងកាស៊ីណូ និងម្ចាស់អាជីវកម្ម អនឡាញទូទាំងប្រទេស ដើម្បីផ្សព្វផ្សាយសារាចរណែនាំ ស្ដីពី ការគ្រប់គ្រងអាជីវកម្មល្បែងភ្នាល់តាមម៉ាស៊ីនអេឡិចត្រូនិចតាម រយៈអ៊ីនធឺណេតអនឡាញក្នុង និងក្រៅប្រទេសគ្រប់ប្រភេទនិងគ្រប់រូបភាពនៅក្នុងព្រះរាជាណាចក្រកម្ពុជានៅទីស្ដីការក្រសួងមហាផ្ទៃ នារសៀលថ្ងៃទី៣០ ខែធ្នូ ឆ្នាំ២០១៩នេះនាយឧត្តមសេនីយ៍ នេត សាវឿន បានលើកឡើងថារាល់ល្បែងអនឡាញទាំងអស់មិនថាឆ្នោត ឡូតូ ឬល្បែងកាស៊ីណូអ្វី នោះទេឲ្យតែតាមប្រព័ន្ធអនឡាញគឺត្រូវតែបិទជាបន្ទាន់ ហើយអាជ្ញាធរគ្រប់លំដាប់ថ្នាក់ទាំងអស់ក៏ត្រូវ តាមដានមើលជានិច្ចផងដែរ៕
