ភ្នំពេញ៖ លោក ឧកញ៉ា ទៀ វិចិត្រ ទទួលបានពានរង្វាន់ «សេះសមុទ្រ៣» នៅថ្ងៃទី១៩ ខែធ្នូ ឆ្នាំ២០១៩ ក្នុងវេទិកានៃកម្មវិធី អបអរបុណ្យសមុទ្រលើកទី៨ ក្រោមប្រធានបទ ទីក្រុងស្អាត ឆ្នេរល្អ ទេសចរណ៍រុងរឿង ។
វាជាមោទនៈភាពសម្រាប់ផ្នែកឯកជនដែលបានចូលរួមលើកស្ទួយវិសយ័ទេសចរណ៍ជាតិ ក្នុងនោះចំណោមប្រតិបត្តិករទេសចរណ៍ឯកជនក្នុងខេត្តព្រះសីហនុចំនួន៥ទីតាំង ដែលទទួលបានជយ័លាភីពីគណៈកម្មាធិការជាតិគ្រប់គ្រងតំបន់ឆ្នេរសមុទ្រកម្ពុជា ក្នុងចលនាប្រឡងប្រណាំងឆ្នេរខ្សាច់កម្សាន្តស្អាតលើកទី២ឆ្នាំ២០១៩ លោកឧកញ៉ាទៀ វិចិត្រ ក៍បានទទួលពានរង្វាន់(សេះសមុទ្រ៣)ដោយផ្ទាល់ពីឯកឧត្តមបណ្ឌិតថោង ខុនរដ្ឋមន្ត្រី ក្រសួងទេសចរណ៍និងជាប្រធានគណៈកម្មាធិការជាតិគ្រប់គ្រងតំបន់ឆ្នេរសមុទ្រកម្ពុជា នាព្រឹកថ្ងៃ១៩ធ្នូ២០១៩នេះនៅឯខេត្តកំពត បន្ទាប់ពីឆ្នេរកោះឋានសួគ៌កោះរ៉ុងដែល ចូលរួមថែរក្សាដោយក្រុមហ៊ុនជី.ធី.វី.ស៊ី, ស្ពីតប៊ូត កម្ពុជា (G.T.V.C, SPEED BOAT, CAMBODIA) បានជាប់ជ័យលាភីជាឆ្នេរស្រស់ស្អាតដាច់គេនៅខេត្តព្រះសីហនុ។
ឯកឧត្តមបណ្ឌិតថោង ខុនមានប្រសាសន៍លើកសរសើរនិងលើកទឹកចិត្តបន្ថែមទៀតទៅដល់លោកឧកញ៉ាទៀវិចិត្រក៍ដូចជាប្រតិបត្តិករទេសចរណ៍ដ៍ទៃទៀត ដែលបានខិតខំរៀបចំ មណ្ឌលទេសចរណ៍អោយល្អស្អាត និងរៀបចំបំរើសេវាល្អដល់អ្នកទេសចរណ៍កន្លងមក ហើយថាជ័យលាភី នៃចលនាប្រឡងប្រណាំងឆ្នេរខ្សាច់កម្សាន្តស្អាតដែលរៀបចំ ដោយគណៈកម្មាធិការជាតិគ្រប់គ្រងតំបន់ឆ្នេរសមុទ្រកម្ពុជា ជាបន្តបន្ទាប់មកនេះ ប្រយោជន៍អោយមានការប្រកួតប្រជែងផ្នែកអាជីវកម្មទេសចរណ៍ផងនិងជាការបំផុសចលនាអោយរួមគ្នាអភិវឌ្ឍន៍តាមតំបន់រមណីយ៍ដ្ឋានទេសចរណ៍ផង។
សូមបញ្ជាក់ថា ផ្នែកឯកជនវិសយ័ទេសចរណ៍ក្នុងខេត្តព្រះសីហនុដែលទទួលបានជយ័លាភីក្នុងចលនាប្រឡងប្រណាំងឆ្នេរខ្សាច់កម្សាន្តស្អាតឆ្នាំ២០១៩នេះរួមមាន ៖
ទី១.ឆ្នេរឋានសួគ៍កោះរ៉ុង ទទួលបានពានរង្វាន់សេះសមុទ្រ៣។
ទី២.ឆ្នេរសុខសាន្ត កោះរ៉ុងទទួលបានពានរង្វាន់សេះសមុទ្រ៣។
ទី៣.ឆ្នេរឡុងសិតកោះរ៉ុងទទួលបានពានរង្វាន់សេះសមុទ្រ២។
ទី៤.ឆ្នេរអូរឈើទាលក្រុងព្រះសីហនុទទួលបានពានរង្វាន់សេះសមុទ្រ៣។
ទី៥.ឆ្នេរម្លប់ជ្រៃក្រុងព្រះសីហនុ ទទួលបានពានរង្វាន់សេះសមុទ្រ១៕
