ភ្នំពេញ៖ រដ្ឋមន្រ្តីក្រសួងអប់រំ យុវជន និងកីឡា លោក ហង់ជួន ណារ៉ុនបានធ្វើការតែងកំណាព្យមួយបទក្រោមចំណងជើងថា”អ្នកចេះគឺជាប់”ដើម្បីដាស់តឿនដល់បេក្ខជនទាំងអស់ឲ្យខិតខំប្រឹងប្រែងសិក្សាស្របពេលដែលការប្រឡង សញ្ញាបត្រមធ្យម សិក្សាទុតិយភូមិ ឬបាក់ឌុប សម័យប្រឡងថ្ងៃទី១៩ ខែសីហា ឆ្នាំ២០១៩កាន់តែខិតជិតមកដល់។
សូមបញ្ជាក់ថាសម័យប្រឡង សញ្ញាបត្រមធ្យម សិក្សាទុតិយភូមិ ឬបាក់ឌុប សម័យប្រឡងថ្ងៃទី១៩ ខែសីហា ឆ្នាំ២០១៩មានបេក្ខជនដាក់ពាក្យសរុប ១១៩, ២១៧នាក់ ដោយក្នុងនោះ ថ្នាក់វិទ្យាសាស្ត្រមានចំនួន ៤៥,៤១៤នាក់ និងថ្នាក់វិទ្យាសាស្ត្រសង្គម ៧៣,៨០៣នាក់។ សម្រាប់ឆ្នាំនេះ មណ្ឌលប្រឡងនៅទូទាំងប្រទេស មានចំនួន ២០២មណ្ឌល ក្នុងនោះថ្នាក់វិទ្យាសាស្ត្រ ៧ មណ្ឌល និងថ្នាក់វិទ្យាសាស្ត្រសង្គម ១២៧មណ្ឌល ស្មើនឹង ៤៨០៩បន្ទប់៕
