ភ្នំពេញ៖ក្រោយការអនុវត្តទោសរយៈពេល ២ខែ លើករណីបង្កគ្រោះថ្នាក់លើនិស្សិតស្រីម្នាក់ឲ្យស្លាប់បាត់បង់ជីវិតនោះ យិន ម៉ាណា ដែលបើករថយន្ត Range Rover បុកនិស្សិតស្រីឈ្មោះ ឌុំ រីដា កាលពីរសៀលថ្ងៃទី២៧ ខែឧសភា ឆ្នាំ២០១៩ ម្សិលមិញនេះ ត្រូវបានដោះលែងឱ្យមានសេរីភាពឡើងវិញហើយ ។
តុលាការបានកាត់ទោសឱ្យ យិន ឃុនម៉ី ហៅម៉ាណា ជាប់ពន្ធនាគារ១ឆ្នាំ តែអនុវត្តត្រឹម២ខែប៉ុណ្ណោះ។
បញ្ជាក់ផងដែរថា កាលពីរសៀលថ្ងៃទី២៦ ខែមីនា ឆ្នាំ២០១៩ កញ្ញា យិន ម៉ាណា បានបើករថយន្តម៉ាក Rang Rover ផ្លាកលេខភ្នំពេញ 2AF-7777 យ៉ាងលឿន ទៅបុកនិស្សិតឆ្នើម ឌុំ រីដា នៅលើផ្លូវលេខ៣១៧ កែងនឹងផ្លូវលេខ៥២៨ ក្នុងសង្កាត់បឹងកក់ទី១ ខណ្ឌទួលគោក ខណៈជនរងគ្រោះកំពុងជិះម៉ូតូ បណ្តាលឲ្យទាំងម៉ូតូ និងមនុស្សប៉ើងស្លាប់ភ្លាមៗ នៅកន្លែងកើតហេតុតែម្តង៕
