«ក្រុងភ្នំពេញ»៖ ក្រោយពីមានហេតុការណ៍កាប់ទៅលើមន្ត្រីឧទ្យានុរក្សម្នាក់ចំនួន ៥កាំបិត របួសយ៉ាងធ្ងន់ធ្ងរកាលពីថ្ងៃទី១៩ ខែមីនា ឆ្នាំ២០១៩ លោក ខៀវ កាញារីទ្ធ រដ្ឋមន្ត្រី ក្រសួង ព័ត៌មាន បានសរសេរនៅលើបណ្តាញទំនាក់ទំនងសង្គមហ្វេសប៊ុករបស់លោកនៅព្រឹកនេះថា ឯកភាពនឹងគំនិតបំពាក់អាវុធដល់មន្ត្រីឧទ្យានុរក្ស ។
លោក រដ្ឋមន្ត្រី ក្រសួង ព័ត៌មាន បានសរសេរថា «ឯកភាពនឹងគំនិតបំពាក់អាវុធដល់មន្ត្រីឧទ្យានុរក្ស ដែលកាសែត រស្មីកម្ពុជា បានលើកឡើង តែត្រូវភ្ជាប់នឹងការបំពាក់កាមេរ៉ា ដើម្បីបង្ហាញថា នៅពេលប្រើប្រាស់អាវុធនោះគឺជាការចាំបាច់ ដើម្បីចៀសវាងពួកខូច ពួកទើស យកទៅធ្វើអាជីវកម្មនៅពេលមានរឿងកើតឡើង ។»
