ភ្នំពេញ៖ កម្លាំងនគរបាលការិយាល័យប្រឆាំងគ្រឿងញៀន រាជធានីភ្នំពេញ ចំណាយពេលជិត៦ម៉ោងតែប៉ុណ្ណោះបើកប្រតិបត្តិការចុះបង្ក្រាបមុខសញ្ញាជួញដូរគ្រឿងញៀនជាបន្តបន្ទាប់ក្នុងនោះធ្វើកាឃាត់ខ្លួនអ្នកប្រើប្រាស់ និងជួញដូរថ្នាំញៀនប្រុសស្រី សរុប៣៤នាក់ និងដកហូតម៉ូតូ ២០គ្រឿង រួមទាំងវត្ថុតាងមួយចំនួន។
ប្រតិបត្តិការចុះបង្ក្រាបនេះធ្វើឡើងកាលពីរសៀល ថ្ងៃទី១១ ខែមករា ឆ្នាំ២០១៩ ស្ថិតនៅចំណុចផ្ទះជួលគ្មានលេខ សំណង់មិនរៀបរយ តាមបណ្តោយផ្លូវរថភ្លើង(R6) (មុខក្តាន់ពីរ) ក្រុម៣៤ ភូមិ៣ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ រហូតដល់វេលាម៉ោង៦ល្ងាចថ្ងៃដដែលធ្វើការឃាត់ខ្លួនបានចំនួន៣៤នាក់(ស្រីម្នាក់ ) ក្នុងនោះចំនួន៤នាក់ ជាអ្នកជួញដូរ និងដកហូតម៉ូតូចំនួន២០គ្រឿង និងថ្នាំញៀនចំនួន៣កពា្ចប់ ,ជញ្ជីងសម្រាប់ ថ្លឹងគ្រឿងញៀនចំនួន២គ្រឿង, ថង់សម្រាប់ច្រកថ្នាំញៀន មួយចំនួនធំ, ដែកកេះចំនួន២, ទូរស័ព្ទ២គ្រឿង និងកូនកន្ត្រៃដែកចំនួន១ ។
បច្ចុប្បន្នជនសង្ស័យខាងលើត្រូវបានសមត្ថកិច្ចនាំឃាត់ខ្លួនបណ្តោះអាសន្ន នៅការិយាល័យប្រឆាំងគ្រឿងញៀនរាជធានីភ្នំពេញ៕
