អ្នកសារព័ត៌មានគោរពស្រឡាញ់និងគាំទ្រការដឹកនាំរបស់សម្តេចតេជោ ហ៊ុន សែន

ភ្នំពេញ៖នៅល្ងាចថ្ងៃទី ១១ មករា ២០១៩ ក្នុងពិធី ជួបសំណេះសំណាល និងពិសារបាយសាមគ្គីជាមួយអ្នកសារព័ត៌មាន ៤,៥០០នាក់ ដែលមកពីស្ថាប័នផ្សេងៗគ្នាសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា មានសេចក្តីសោមនស្សសប្បាយរីករាយយ៉ាងខ្លាំង ដែលបានជួបជុំជាមួយបងប្អូន កូនក្មួយ អ្នកសារព័ត៌មានសារជាថ្មីម្ដងទៀត នៅកោះពេជ្រ។
យើងសង្កេតឃើញថាបងប្អូន កូនក្មួយ អ្នកសារព័ត៌មានដែលមានវត្តមាននៅក្នុងកម្មវិធីល្ងាចនេះ មានទឹកមុខសប្បាយរីករាយទទួលស្វាគមន៍ សម្តេចតេជោនាយករដ្ឋមន្រ្តី ប្រកបដោយភាពកក់ក្តៅ និងស្និទ្ធស្នាល ព្រមទាំងបានសុំថតរូប Selfie ជាមួយ សម្តេចតេជោដែលបានបង្ហាញនូវការគោរពស្រឡាញ់ដ៏ជ្រាលជ្រៅបំផុតចំពោះសម្តេចប្រមុខដឹកនាំប្រទេស៕