ភ្នំពេញ៖ក្រសួងសុខាភិបាលនឹងមានវិធានការតាមផ្លូវច្បាប់យ៉ាងតឹងរឹងចំពោះម្ចាស់អាខោនហ្វេសប៊ុកដែលផ្សព្វផ្សាយលក់ផលិតផលឱសថបំប៉នផ្លូវភេទបុរសឈ្មោះ AIDE FORTE គ្មានអាសយដ្ឋានច្បាស់លាស់ គ្មានក្រុមហ៊ុននាំចូលត្រឹមត្រូវ គ្មានការចុះបញ្ជីគ្មានការត្រួតពិនិត្យគុណភាពនិងគ្មានការអនុញ្ញាតឲ្យផ្សព្វផ្សាយពីក្រសួង ។
យោងតាមសេចក្ដីជូនដំណឹង របស់ក្រសួងសុខាភិបាល បានឲ្យដឹងថា ដើម្បីជៀសវាង ការខាតបង់ប្រាក់កាស និងប៉ះពាល់សុខភាពឬឈានដល់បាត់បង់អាយុជីវិត (ដោយសារការគាំងបេះដូង) របស់អ្នកប្រើប្រាស់ ក្រសួងអំពាវនាវពលរដ្ឋទូទាំងប្រទេស ឈប់ប្រើប្រាស់ផលិតផលឱសថបំប៉នផ្លូវភេទបុរសឈ្មោះ AIDE FORTE ជាបន្ទាន់ដោយសារផលិតផលនេះ ពុំបានត្រួតពិនិត្យគុណភាពគ្មានចុះបញ្ជីកា គ្មានក្រុមហ៊ុនស្របច្បាប់ និងគ្មានការអនុញ្ញាតឲ្យផលិតផ្សាយពីក្រសួង ។
ក្រសូងតម្រូវឲ្យម្ចាស់គណនីហ្វេសប៊ុកខាងលើទាំងអស់ បញ្ឈប់ការនាំចូលផ្សព្វផ្សាយលក់ឬចែកចាយផលិតផលឱសថបំប៉នផ្លូវភេទបុរសឈ្មោះ AIDE FORTE ខុសច្បាប់ ព្រមទាំងប្រមូលយកផលិតផលនោះ មកកម្ទេចចោលជាបន្ទាន់ផងដែរ ៕
