ភ្នំពេញ៖ រថភ្លើងស៊េរីទំនើប៣គ្រឿងរបស់ក្រុមហ៊ុន រ៉ូយ៉ាល់ រៀលវេ (Royal Railways) របស់អ្នកឧកញ៉ា គិត ម៉េង បានដឹកមកដល់កំពង់ផែស្វយ័តក្រុងព្រះសីហនុ។
រថភ្លើង Tramway ស៊េរីទំនើប ៣គ្រឿងដែលក្រុមហ៊ុន Royal Railway Cambodia បញ្ជាទិញពីប្រទេសម៉ិកស៊ិក នឹងយកមកប្រើប្រាស់សម្រាប់ដឹកអ្នកដំណើរ ពីស្ថានីយរថភ្លើងរាជធានីភ្នំពេញឆ្ពោះទៅកាន់ អាកាសយានដ្ឋានអន្តរជាតិភ្នំពេញដោយចំណាយពេលត្រឹមតែ ២៥នាទីប៉ុណ្ណោះពីស្ថានីយរថភ្លើងរាជធានីភ្នំពេញ ទៅអាកាសយានដ្ឋានអន្តរជាតិភ្នំពេញ។
រថភ្លើង Tramway ថ្មីនេះមានក្បាលម៉ាស៊ីនចំនួន២ គឺមុខមួយ និងក្រោយមួយ ហើយមានបច្ចេកវិទ្យាចុងក្រោយបំផុតប្រកបដោយសុវត្ថិភាពខ្ពស់ និងទំនើបទាំងទ្វារស្វ័យប្រវត្តិ, ជណ្ដើរ, កៅអី, ម៉ាស៊ីនត្រជាក់, បន្ទប់ទឹក, កន្លែងដាក់អីវ៉ាន់, ប្រព័ន្ធអ៊ីនធឺណិត Wifi, ទូរទស្សន៍ និងប្រព័ន្ធផ្ដល់ព័ត៌មានផងដែរ៕
