ភ្នំពេញ៖ដើម្បីបង្កលក្ខណៈសប្បាយរីករាយជូនប្រជាពលរដ្ឋដែលបានមកលេងកំសាន្តនិងអបអរសាទរកម្មវិធីសម្ពោធវិមានឈ្នះឈ្នះគណៈកម្មការនឹងរៀបចំកម្មវិធីប្រណាំងកង់ និងទេះគោ ក្របី រទេសេះនៅបរិវេណវិមានឈ្នះឈ្នះចាប់ពីព្រឹកថ្ងៃទី២៨ ខែធ្នូតទៅ ។
សម្ដេចសេនាពិជ័យ ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិមានប្រសាសន៍ថា ការប្រណាំងរទេះគោក្របីរទេះសេះ ជិះកង់ គឺជាកីឡាប្រពៃណីដ៏សំខាន់របស់ខ្មែរ ។
សម្តេចបាន បន្ថែមទៀតថា ទន្ទឹមនឹងការបង្កើតឲ្យមានកម្មវិធី ប្រណាំងរទេះគោរទេះក្របីរទេះសេះនិងជិះកង់ ក៏មានការដាក់តាំង បង្ហាញ ពិព័រណ៍ពាណិជ្ជកម្ម ទេសចរណ៍ ម្ហូបអាហារ និងល្បែងកម្សាន្តសប្បាយជាច្រើនទៀត ដែលជាផ្នែកមួយ ជំរុញឲ្យកម្មវិធី សម្ពោធវិមានឈ្នះឈ្នះកាន់តែមានភាពអធឹកអធម សប្បាយរីករាយ និងទាក់ទាញភ្ញៀវជាតិអន្តរជាតិឲ្យមកទស្សនាកម្សាន្តជា ច្រើនកុះករ ថែមទៀតផង។
សូមបញ្ជាក់ថា កម្មវិធីសម្ពោធវិមានឈ្នះឈ្នះ នឹងធ្វើឡើយរយៈពេល ៣ ថ្ងៃចាប់ពីថ្ងៃទី ២៩ ដល់ថ្ងៃទី៣១ ខែធ្នូឆ្នាំ២០១៨៕
