ភ្នពេញ៖បងប្អូនសាធារណជនដែលមានបំណងទៅសម្រាកលំហែកម្សាន្តតាមឆ្នេរសមុទ្រលែងបារម្ភរឿងខ្វះកន្លែងស្នាក់នៅទៀតខណៈមន្ទីរទេសចរណ៍សហការជាមួយរដ្ឋបាលខេត្តព្រះសីហនុ នឹងដាក់តង់ជួលចំនួន ៣០០តង់ដើម្បីឱ្យភ្ញៀវទេសចរកំសាន្ត និងសម្រាក នាឱកាសបុណ្យឆ្លងឆ្នាំ ២០១៨-២០១៩ នៅឆ្នេរអូឈើទាល (អតីតអារីស្តុន) ក្រុងព្រះសីហនុ ខេត្តព្រះសីហនុ ។
យោងតាមបណ្ដាញទំនាក់ទំនងសង្គមហ្វេសប៊ុករបស់រដ្ឋបាលខេត្តព្រះសីហនុបានឲ្យដឹងថាក្នុងនោះដែររដ្ឋបាលខេត្តបានរៀបចំភ្លើងបំភ្លឺពេលរាត្រី បន្ទប់ទឹកស្អាត បង្គន់ចល័តចំនួន ៤០កន្លែង និងបន្ទប់ផ្លាស់ប្តូរសំលៀកបំពាក់ សម្រាប់ភ្ញៀវជាតិ និងអន្តរជាតិផងដែរ នៅក្នុងតំបន់បោះតង់នោះ៕
