ភ្នំពេញ៖ កម្លាំងជំនាញប្រឆាំងគ្រឿងញៀនខេត្តសហការជាមួយកម្លាំងនាយកដ្ឋានសន្តិសុខផ្ទៃក្នុងចុះបង្ក្រាបករណីជួញដូរគ្រឿងញៀន នៅចំណុចប្រៃសណីយ៍ ឋិតក្នុងភូមិ១ឧសភា សង្កាត់កំពង់កណ្តាល ក្រុងកំពតកាលពីថ្ងៃទី១៨ ខែធ្នូ ឆ្នាំ២០១៨ ឃាត់ខ្លួនជនសង្ស័យ៣នាក់ ស្រីចំនួន២ នាក់ (ក្នុងនោះជនបរទេស២នាក់ ស្រី១នាក់) និងដកហូតថ្នាំញៀនអ៊ិចស្ត្រាស៊ីល ចំនួន១.៥០៣គ្រាប់ និងទឹកថ្នាំ សង្ស័យជាសារធាតុញៀនប្រភេទមេតំហ្វេតតាមីនចំនួន១កញ្ចប់ធំ។
បន្ទាប់ពីឃាត់ខ្លួនសមត្ថកិច្ចបានបន្តទៅឆែកឆេរនៅហាង FIREFLY ឋិតក្នុងភូមិទ្វីខាងជើង សង្កាត់អណ្តូងខ្មែរ ក្រុងកំពត ដកហូតបានថ្នាំញៀនមេតំហ្វេតាមីនចំនួន ៥០០គ្រាប់ បន្ថែមទៀត រួមនឹងថ្នាំសង្ស័យជាសារធាតុញៀនចំនួន១៨០គ្រាប់ និងម៉ាទឹកកកទម្ងន់ចំនួន ២៦៤,៨៦ ក្រាម។
ជនសង្ស័យរួមមាន ៖១.ឈ្មោះ TASDELEN ONDER ភេទប្រុស អាយុ៣៧ឆ្នាំ ។
២.ឈ្មោះ ANJERLA ORIBJANOVNA ភេទស្រី អាយុ២៩ឆ្នាំ ។
៣.ឈ្មោះ មុំ សុភា អាយុ២៨ឆ្នាំ នៅភូមិកំពង់បាយខាងជើង សង្កាត់កំពង់បាយ ក្រុងកំពត៕
