ភ្នំពេញ៖ការកកស្ទះចរាចរណ៍ដោយសារតែកំណើនយានយន្តដឹកជញ្ជូនកើនឡើងជាបន្តបន្ទាប់ពីមួយថ្ងៃទៅមួយថ្ងៃ។នេះបើតាមការអះអាងពីលោក ពៅ ម៉ាលី រដ្ឋលេខាធិការក្រសួងសាធារណការ និងដឹកជញ្ជូន ។
លោក ពៅ ម៉ាលី រដ្ឋលេខាធិការក្រសួងសាធារណការ និងដឹកជញ្ជូនបានលើកឡើងបែបស្របពេលដែលក្នុងរាជធានីភ្នំពេញបច្ចុប្បន្នកំពុងមានបញ្ហាកកស្ទះចរាចរណ៍ដែលអ្នកដំណើរគ្រប់មជ្ឈដ្ឋាន កំពុងតែត្អូញត្អែរ ធុញទ្រាន់គ្រប់ៗគ្នាៗ។
លោក ពៅ ម៉ាលី បានលើកឡើងក្នុងពិធីផ្សព្វផ្សាយប្រព័ន្ធស្វ័យប្រវត្តិកម្ម នៃការចុះបញ្ជី និងត្រួតពិនិត្យ បច្ចេកទេសយានយន្តជាសាធារណៈ នៅថ្ងៃទី១៧ ខែធ្នូ ឆ្នាំ២០១៨ ថា”ព្រោះតែកំណើន នៃយន្តការប្រើប្រាស់យានយន្តដឹកជញ្ជូន គឺបង្កឲ្យមានការកកស្ទះចរាចរណ៍ និងគ្រោះថ្នាក់ចរាចរណ៍”។
សូមបញ្ជាក់ថាកំណើនយានយន្ដនៅកម្ពុជាបច្ចុប្បន្ន មានការកើនឡើងដល់ជាង ៤លានគ្រឿង ក្នុងនោះរថយន្ដជាង៧០ម៉ឺនគ្រឿង៕
